गाणी

अस्सं घर सुरेख बाई
बाळासंगे खेळतं
अस्सं खेळणं सुरेख बाई
नवीन काही शिकवतं!


बुडूश्शा  बुडूश्शा करू रे बाळा
पाण्यात खेळा आता पाण्यात खेळा
मऊ मऊ साबणाचा लावून फेस
भिजले बाळाचे रेशमी केस
डुबुक डुबुक करु रे बाळा
पाण्यात खेळा आता पाण्यात खेळा
इवल्याशा गालावर पाणी उडे
चाळणीतून बघ कसा पाऊस पडे
मज्जा मज्जा करू रे बाळा
पाण्यात खेळा आता पाण्यात खेळा


शांत, उबदार वातावरण
बाळाला झोप लागेल पटकन
अशी झोप लागता खास
मेंदूचा होतो छान विकास!-


नको ग मारू नको ग मारू
पिटुकल्या बाळाला नको ग मारू
मग काय करू ताई
किती ह्याचा दंगा
कामाच्या मध्ये मध्ये
याचा सुरू भोंगा
फटका दिल्याशिवाय
गप बसत न्हाई
तूच सांग मला
आता काय मी करू?
खरंय ग सखे
खरंय ग सखे
तुला खूप काम
पडतं ग बाई
पण मारणं हा काय
उपायच नाही
मारण्यानं बाळाचं
नुकसान होतं किती!
आयुष्यभराची ग
सोबती होते भीती!
छान छान शिकण्याचा
हाच तर काळ
प्रेमानं वागलं तर
हुश्शार होईल बाळ!
जरा रागाला
आवर तर घालून बघ
बाळाच्या मिठीत सापडेल
आनंदाचं जग!
- स्मिता पाटील


पिंकीची आई, रिंकीचे बाबा
मन्नोची आजी, रहमानची फुफा
चला चला लवकर चला
अंगणवाडीत आहे पालकसभा
मग काय मग काय विशेष काय?
ढीगभर काम  हितं पडलं हाय
कामाचंच सांगतात तिथं बाय
पोरांच्या भल्यासाठी समदं हाय।।
आपली मेहनत आपलं काम
कुणासाठी सांगा गळतो घाम?
वेगळं कायपन वाटत नाही
बाळाच्या संगे करायचं काम।।
जरा थोडा काढला तर वेळ
हुश्शार होईल की आपलंच बाळ
छान छान युक्त्यांची गुंफून माळ
मुलांचं करूया मोठं आभाळ।।
- स्मिता पाटील