कुल पेज दृश्य

मंगलवार, 28 सितंबर 2010

पाऊस...

पाऊस गच्च धारांचा 
पाऊस कच्च झाडांचा 
त्याच्या तिच्या मनातल्या 
टपटप पागोळ्यांचा...

पाऊस अवखळ मनाचा 
पाऊस अल्लड वयाचा 
थेंबाथेंबातून नाचून 
थरारलेल्या नभाचा...
             
पाऊस भिजल्या पापणीचा 
पाऊस थकल्या डोळ्यांचा 
वाट पाहता पाहता 
निजल्या उदास रातीचा...

पाऊस चिंब रानाचा  
पाऊस व्याकूळ प्राणाचा 
दूरच्या गूढ वाटेसारखा 
माझाही एकटेपणाचा...
                     -स्मिता

कोई टिप्पणी नहीं:

एक टिप्पणी भेजें